|
|
|
|
Развојот на висококвалитетен апликативен
софтвер е наша стратегиска определба.
Неа ја детерминираат два магистрални
правци:
• Развој на софтвер за
покривање на деловните активности на фирмите, преку
универзални, детализирани, функционални, самостојни модули
(финансово сметководство, материјално книговодство, погонско
книговодство, производство, кадровска евиденција, плати,
благајна, основни средства), како и во форма на интегрирани
пакети, како неопходна база за развој на комплексни и на
фирмите целосно адаптирани информациони системи.
• Изработка на апликации со посебна намена за
одредена целна група (продавници, ресторани, интернет кафеа,
здравствени организации, аптеки, менувачници, приватни
училишта) или за софтверска автоматизација на специјални
активности и процеси (менаџирање на документи, автоматизирана
комерција, персонален и групен органaj зер, банкарско
кредитирање, евиденција на работно време и сл.)
Ентер својот систем на работа го засновува врз парадигмата:
најновото е и најисплатливо. Оваа идеја се темели на следниве
концепти:
1. Употребата на персоналните компјутери како
стратегиска определба
Предностите на ваквиот приод стануваат појасни ако се знаат
особините на компјутерите: моќ, масовност, универзалност.
2. Имплементација во своите програми на 5-те водечки
концепти во развојот на апликативниот софтвер:
• Object-oriented programming
(Објектно - ориентирано програмирање).
• Relational databases (Релациони бази на
податоци).
• Graphical user interface (Графички
кориснички интерфејс).
• Client - server tehnology (Клиент -
сервер технологија).
• Internet - intranet solutions
(Интернет - интранет решенија).
3. Систем на перманентна обука
Претствавува најефикасен и најевтин начин на оспособување на
корисниците за работа со компјутер. Посебно е практичен во
услови на енормно брзото технолошко застарување и на хардверот
и на софтверот. Овозможува, од една страна постојано да се учи
по малку и без големи оптоварувања, а од друга страна целосно
да се биде во тек со настаните.
4. Стабилност и сигурност во процесот на
информатизација
Информатизацијата е еден од најживите процеси, кој покрај
благодетите во себе крие и опасности, пред се поради брзите и
турбулентни промени кои му даваат одредена нестабилност. Тука
пред се се мисли на проблемите со правилен избор на софтвер и
хардвер, стандардизација на процесите, правилно временско
планирање на активностите и др. Во услови во кои се наоѓа
нашата држава се јавуваат уште поголеми проблеми, зашто
погрешна проценка во купувањето или неискористување на
можностите можат да бидат дури и катастрофални. Заради тоа,
Ентер во својот концепт ги вклучува и деталните познавања на
организацијата, менаџментот и економиката на информационите
системи. Притоа важни се следните моменти:
а) Интердисципнлинарност
Синергетско вклопување на последните сознанија од теорите на
информации и системи, планирање и водење на проекти и посебно
операционите истражувања (мрежно планирање, моделирање и
симулација, линеарно, нелинеарно, динамичко и хеуристичко
програмирање, оптимално резервирање, масовно опслужување и
др.). Со тоа се овозможува директно учество на клиентите
во подготвувањето и реализацијата на проектите, посебно во
барањето оптимум во комплицираните односи: структура на
проектот - времетраење на проектот - трошоци на
проектот - потребни ресурси за проектот.
б) Одвивање на информатизацијата во фази
Пристапот во фази или чекор по чекор му дава на процесот на
информатизација неопходна стабилност и го прави релативно
безболен. Но, ваквиот пристап вклучува и повеќе обврски и
дисциплина (и на развивачите и на корисниците) со цел да се
спречи опасноста што тој ја носи, а тоа е запоставување на
информатизацијата или губење на чекор со новата технологија. |
|
|
